Author

పెళ్లి చేయడంతోనే తమ బాధ్యత తీరిపోయిందని, ఎలాంటి కష్టనష్టాలు వచ్చినా సర్దుకుపోయి జీవించడమే జీవితం అని భావించే తల్లిదండ్రులు ఉన్నంతకాలం… ఆడపిల్ల ఎప్పటికీ ఆడపిల్లగానే మిగిలిపోతుంది.
పుట్టినప్పటి నుంచి తల్లిదండ్రుల మాట విని, పెళ్లయ్యాక భర్త మాటను అనుసరించడమే ఆడపిల్ల జీవితం కాదు. ఆడపిల్లకూ ఒక మనసుంటుంది. ఇష్టాయిష్టాలు ఉంటాయి. కలలు, కోరికలు ఉంటాయి. తను కోరుకున్న వ్యక్తిని జీవిత భాగస్వామిగా ఎంచుకునే హక్కు కూడా ఉంటుంది.
కూతురి ఇష్టాన్ని తెలుసుకుని పెళ్లి చేసే తల్లిదండ్రులు ఎంతమంది?
రామాయణాన్ని, సీతారాములను ఆదర్శంగా తీసుకునే మన సమాజం… సీతా స్వయంవరాన్ని ఎందుకు ఆదర్శంగా తీసుకోదు? జనక మహారాజు తన కుమార్తె ఇష్టాన్ని తెలుసుకుని, ఆమె ఎంచుకున్న వ్యక్తితో వివాహం జరిపించాడు. పురాణాల్లోని రాణులు సైతం స్వయంవరాల్లో తమకు నచ్చిన వ్యక్తిని ఎంచుకునే హక్కును కలిగి ఉండేవారు.
మరి నాగరికత అభివృద్ధి చెందుతున్న కొద్దీ స్త్రీకి దక్కింది ఏమిటి?
ఈ కథలోని ఆడపిల్ల… మీ ఇంట్లో అక్కగానో, చెల్లెలిగానో, తల్లిగానో, భార్యగానో ఉండే ఉంటుంది. ప్రతి ఆడపిల్ల ఈ కథలోని ఏదో ఒక సందర్భాన్ని ఎదుర్కొనే ఉంటుందంటే అతిశయోక్తి కాదు.
ఒక ఆడపిల్ల మనసును మీ ముందుకు తీసుకువచ్చే ప్రయత్నమే — “స్వర్గానికి దారి”